Penti Pemali Berandau Sulu Ati Ba kampung Puang

Penti Pemali Berandau Sulu Ati Ba kampung Puang.

Penti pemali berandau ke sulu ati ba kampung puang.Kira tahun 1970 an katas kenya meh laban jerita to kala udah ditusi aki Senggalang to maia tahun 2000.Nyadi kelia ba menua kulu Sungai Anab,Bintulu sigi maioh alai bala Iban bala dayak kebukai begiga ke wie enggau ngereja nyelato ba din kelia,nyadi Meringai enggau Sengalang sereta sebakih kira bisi meh dua puluh iko mensia ari Batang Kemena mudik  kulu ninga utai ngmaioh wie,jelu enggau utai kebukai meh.Nyadi sida bebai maioh kin alu ngemai senapang kulu kin laban ka begiga belanja kin maia nya kelia.Nyadi atai dulu Sungai Anap din alu ngaga langkau sida sabuat deh,udah tembu ngaga langkau diak sida alu ngetan bubu alu ngiga utai kelauk ba kampung puang.Bisi nyau ka seminggu sida din laban sida sama bujang diak bisi siko kaban sida Iban ari Sarikei to nusi jerita pasal ka berbini jadi enggau anak tuai rumah,meda kenya alu betapat meh sida kabukai bertimbal nusi pemajik sulu ati diri empu..Mina aki Sengalang,
Meringai,Ugam enggau Lidam aja ke enggai nusi pasal pemajik sulu ati diri empu.Selemai lemai sida kabukai berkenang pemajik sulu ati diri empu alu muji pemajik sulu ati ngujung nyau ka belaya sida sabuat laban enggai alah madah pemajik sulu ati gai pangan diri ti ba diak.Meda sida empat iko tadi enda bemunyi diak Jenggut tak layah layah ngumbai sida empat tadi mako takut ke orang indu alu dkumbai Jenggut to sida empat ia to purih Ngelai ari Panggau Libau ti takut bebini alu takut ke orang indu.Ketawa lelekik meh sida kabukai meda sida empat di kemelik ke Jenggut.Udah tembu makai lemai diak sida duduk indah alu berjerita baru puas di lara tudah Lidam ngujung nyau Lidam ka di jamah sida ia,meda kenya diak Sengalang narit jari Lidam alu madah ke Lidam,kapa ka ngelara sida ia nya ko Sengalang meri jako tangkan agai Lidam.Diak nyau malam amai diak enda mukai Jenggut terkenyit meda sulu ati ia tak baka ke amai niki ke langkau alu ngangau ke nama Jenggut,nama agi,gaga meh ati Jenggut tadi lalu mantai ngesen kediri pemajik sulu ati ia agai bala kaban ia diak tadi.Alu nanya Jenggut keni sulu ati ia tau nemu jalai kito,diak Sulu ati ia tadi madah ia nanya orang ari ili sida Jenggut ba dini sida Jengut ngiga langkau alu orang ba langkau ari ili sida ia madah tadi ko sulu ati Jenggut madah.Andal meh ati Jenggut tadi diak sulu ati ia madah bisi sulu ati kaban ia kabukai sama ngalu sida ia kia alu bedau ba ai laban benung mandi ko ia nusi.Nama agi nyau terangkat penuduk ninga sulu ati diri empu sanggup nujah atai kia.Nama agi deh tak bisi magang meh sulu ati sida ia atai kia temasuk sulu ati Sengalang,Lidam,Meringai enggau Ugam.Tang aki Sengalang ngasuh sulu ati pulai laban ia enggai ngena cara belalai ti beambai ko ia nganu sulu ati ia ngujung sulu ati nyau nyabak enda meh Sengalang kiruh.Mega Sengalang majak muru sulu ati diak Meringai pen bakanya alu nunda ga Ugam enggau Lidam muru penatai sulu ati saduai ia.Nama agi laban sida kaban kabukai nyau ketawa lelekik meh gauk enggau sulu ati pangan diri,enggi Jenggut alu naban sulu ati ia tama kibong alu berengkah meh tudah niki megong ke bukit nadai punjung.Nyadi kebukai pen kenya,nyadi sulu ati sida empat tadi enggai pulai majak madah lelenggau ke sida empat diak.Kenyau pujuk memujuk antara sida empat enggau sulu sida ia diak Sengalang ka birak lebuh ia mansa kibong Jenggut peda ia tak merecik darah mensia ari kibong Jenggut,meda utai nyelai bakanya diak jampat Sengalang nurun ke tanah,diak ia ngangau ke Meringgai,Lidam enggau Ugam.

Ia madah bisi terpeda ke pelanduk ba tebing seberai ko ia reraoh ngangau ke sida tiga tadi,ka lembau lembau Meringgai angkat ari penuduk diri laban ke lelak alu ka tindok,tang Lidam baka ke nemu tuju kangau Sengalang diak ia engkecit ngemai duku panjai ti tajam,meda kenya diak Ugam alu nyapai senapang ia alu nurun nitih angka amai bisi pelanduk,meda dua iko nya tadi nurun diak Meringgai nurun begadai tang lebuh ia mansa kibong kaban kabukai diak Meringgai meda darah mensia nyau merecik kibong,nama agi deh tak batak Meringgai senapang alu engkecit Meringgai ke tanah,datai ba ai Lidam,duku ia drampas Sengalang alu Sengalang netak tali penancang perau,alu Sengalang madah parai kitai inik tuai munuh kitai ko Sengalang madah ke Lidam engau Ugam,nama agi deh tak bendar meh sida tiga matak perau ke tengah lubuk alu reraoh Sengalang ngasuh Meringgai jampat agi berlanda.Diak kira enda lama udah ia ngangau Meringai dinga sida sabuat indu ti nyaru sulu ati sida sabuat nya tadi alu ngekok alu lirrrrr dahnya  alu ddinga sida empat orang indu ketawa lelekai deh uwai.Terengkah Meringgai ba perau alu tak penapat inat meh sida sabuat ngaram ke perau nya tadi ba lubuk,seretai perau tungkup ba lubuk diak antu koklir tadi ingap ba belakang perau ditungkup sida empat ia.Diak sida empat ia ba dalam perau ti dtungkup sida empat tadi,nama agi deh tak semalam malam nya antu koklir empat iko nya ngerawang belakang perau ka ngulih sida empat tadi.Tang munya gik perau tebal ruang tengah ukai baka perau kediato ti dsayat ngena tinso.Kelia gik ukai bisi tinso deh,tak nebal pala patung ruang tengah perau.Uji perau nya baka kediato udah sida empat tadi ulih antu koklir nya deh.Nyadi antu koklir ti bedau bulih utai ke lelaki tadi semampai ngeKOK laban ka ngulih sida empat to tadi,nyau enda lama dahnya tak berasai perau berat dtepan indu koklir ti maioh ti udah tembu makai sida Jenggut to tadi ti atai nolong sida empat antu koklir nya tadi.Enyau ka pagi ari diak perau nyau ka tembus kerawang antu koklir to tadi,diak Sengalang ke berani agi alu ngambi senapang Ugam ti udah disi leka sembilan alu ia mansut ke luan senapang ari kerawang antu koklir nya tadi alu lebuh antu koklir nya ka ngerawang belakang ruang tengah perau nya tadi diak Sengalang alu ngelacit ke senapang nya tadi,tak tekaoh munyi senapang nya tadi bermunyi nyau besepar bala antu koklir nya nyilat leka sembilan nya  tadi,sepagi pagi munyi senapang meletup laban Sengalang nimbak antu koklir nya tadi.Ngam ngam leka seterum ka ambis diak mua matahari  nyau bisi ayan ngujung antu koklir to pulai nadai ngacau sida empat ia agi.Lebuh sida pansut ari perau nya tadi diak sida empat ke bedau idup pulai ke langkau sida empu tadi.Diak sida empat nyau ka mutah meda tubuh sida niang Jenggut nyau nadai igi pelir sereta dada sida dtebuk antu koklir keno jerita aki Sengalang to suba.Udah sida nanam bangkai sida ka parai nya diak sabuat to tadi mupuk jampat jampat ari menua nya.Langkau sida ia ditunu Ugam magang ngica antu koklir nda ngiga sida ke agi idup tadi.To meh jerita amai kaban,nya meh kabuah kitai ke laki tauka orang ke indu enda tau sekali betusi,bejerita,tauka ngenang ke pemajik tauja peyigat sulu ati kitak empu enti bejalai ba kampung puang.To jerita bepuluh taun ti lepas to kaban,ia ke amai maioh agi jerita to nyadi agi kelia.Nya meh orang tuai kelia ka amai musil mulut kitai ke biak enti bejako sengapa enti bejalai ke kampung puang.Enda pecaya pia kaban??Tau ga nguji angka penemu sembiang nuan bisa.Kemari tudah ku dseririk tauka dsindir orang kuat sembiang ti madah ke ku nya penti orang nadai sembiang ko ia,nya meh ku madah ke ia tau ga dik nguji kaban ko aku madah ke ia.Ba bup sembiang pen bisi madah dunya to bisi antu jai ati.Enda pecaya tau enda nguji ga.Enda ibuh bukai uji ba ular ti selalu dipeda ba bungai nya,tencang pala ular nya alu kemik ba ba pala ular nya au.Enti ulih anang ngelangkah penti pemali maia bejalai ba kampung puang.Seagi cabik bedau pedas seagi nya penti pemali bisi ia ke bisa bisi ke enda ba kampung puang tauka menua kitai.