Jerita Berekak Enggau Antu Ba Sungai Tisa

Jerita Berekak Enggau Antu Ba Sungai Tisa.

Jerita dua iko menyadi berekak enggau antu ba danau antu Ulu Tisa.Ba taun sekitar taun 70an sesuba meh nyadi maia nya musim pengambis ngetau.Nyadi dua iku orang bujang diri menyadi tu tadi baum bebai ngipa agai Danau Antu ba Puro Sungai Tisa din.Nyadi pagi nya udah saduai engkira diak saduai ia mupuk bejalai ke kampung puang ba Tisa,agi memenya suba menua Sungai Tisa to endang beberita maioh antu suba,aku nemu menua tu bakanya ketegal sida niang aki ka amai nusi jerita dua iku menyadi tu suba lebuh ia pulai ari Tisa maia taun 1970 bakanya suba maia sida orang Tisa agi berumah panjai ba Nanga Puro Sungai Tisa suba.Nyadi pulai agai jerita dua iku menyadi tu tadi,diak saduai ambis tanah ngerinau ngipa jani ke makai buah kampung tang nadai nasib ga  laban sarinya tak nadai utai kebisi jelu mansa ngujung saduai ia ngipa ba sepan(lopak besai baka danau)alu ngaga tempara alai ngipa ba atas kayu.Maia nya saduai bisi ngemai senapang baru dibeli ari perintah agi kelia.Diak saduai ngipa ngujung tindok enda lama laban ari ka sesilau manuk,diak saduai nyepi tak maioh amai kerengit nutu tubuh saduai ia,malik madik ia kebiak agai danaunya tadi diak ia terpeda baka siku mensia tak baka ngirup ai ba danau nya tadi.Pun ia dikangau saduai ia tang utai nya enda malik agai saduai majak ke ngirup ai.Meda baka nya saduai ia nurun ari tempara laban ke ngumbai nya mensia sida sarumah ke ngacau saduai alai jani tama agai resam jani tadi.Lebuh saduai ia nuju agai orang ke benung ngirup ai ba danau nya diak saduai laban sesilau ari ngumbai sida sarumah alu nganu orang nya tadi ti ngeregau saduai ia ti benung ngipa.Sekali utai nya malik alu berdiri naka pemesai nya dipeda saduai.Meda utai baka nya menyadik ketuai tadi alu ngelacit ke senapang tadi.Peda manah nemu nya tak kah antu nyeruga meh nya.Berbulu tebal sereta lebat sereta jai gamal.Saduai ia alu nimbak antu nya tadi.Makin ditimbak makin utai nya ngagai saduai.Tak ruat laban leka senapang bermunyi aja.Baka munyi ngerau rendai.Ari sepan danau nya antu bebulu tebal majak ngagai saduai.Madik ketuai nya tadi majak nimbak senapang agai antunya tang antunya enggai ga surut majakk nitih saduai ngujung saduai ka ambis ppeluru.Diak maia nya benasib amai tudah enda ulih antu nya.Nasib sigi leka senapang bedau alu ditimbak ulih meri antu nya ngetu murus mua laban abi timbak  ba mua ia.Diak nadai agi meh antu danau nitih ka nyamah saduai ia agi.Pemendar antu danau ngagai saduai ia,pun kayu mesai pah bisi rumpung bisi tumbang kena tuju antu nya tang enya meh nasib kitai mensia ti manah.Pengudahnya saduai pulai ke rumah panjai alu nusi jerita nya ba rumah panjai.Maianya niang aki bisi ke Tisa suba laban berubat kia.
Pelaba aku orang Tisa agi ingat penama aki tu suba.Ku meri ulu lungga tu,ia ti ngangkat ke jerangku ngena lebuh bebuti enggau Kilah ba Sungai Tisa suba.Lama sida petunggal aki tu suba diau ba Tisa.Udahnya sida petunggal aki tu pindah ari Tisa suba.Pelaba aku orang tuai menua Tisa ngelala.Tu aja jerita aku kaban.Alu petunggal aki suba kala nusi jerita tu suba lebuh lemai ari.Niang aki kami selalu nemuai ke Tisa agi menya suba sebedau pemindah petunggal ia ari menua nya suba.Selamat malam madi bansa aku dayak.