Jerita Jenging Kelia Suba

Jerita Jenging Kelia Suba.

Nyadi munya kelia,bisi indai tuai siku bisi ngembuan anak lelaki benama Jenging sereta anak dara benama Bangan ti diau ba Ulu Skrang.Nyadi kelia bala iban ambis pindah Sarikei alu mina sida menyanak aja meh nguan tembawai laban indai tuai nya sakit alu ditinggal meh kediri nguan tembawai ba Ulu Skrang,maia nya endang richah endang kacau menua,bedau agi berkayau.Nyadi ka Jenging mindah kaling sida sarumah tadi tang meda indai ia sakit diak ia enda nyadi.Nyadi Jenging tu sigi pintar ari ada ke dunya.Nyadi maia nya bisi bala Raja ka ngayau kia laban ka ngulih pala Soka Bantan Ranggir katuai Iban ti kering sereta sikal tang parai tuai ba Lassa Sibu.Nyadi tudah Jengging tu laban kediri aja ba rumah panjai ti panjai seratus lebih pintu nyau tusah ati lebuh ninga jerita orang Skrang ili madah ke ia Rajah ka nyerang menua sida ia.Diak semalam malam nya Jengging nyabak ngenang nasib diri.Bisi meniga ari tudah Jengging tusah ati sereta nyabak sereta madik ia ke indu benama Bangan pen knya mega.Lebuh terungkah lemai ari diak Jengging terkenyit ninga kanggau orang ari tanah.Meda bakanya diak Jengging nyubuk gegadai ari tanju ngemata ke orang ngangau nnya penyadi niki rumah panjai tadi,diak meh Jengging meda 29 iko mensia nyeruga bebuk putih tak bediri tetegi ba mua rumah panjai.Diak apai tuai nya ngangau ke nama ia sereta Jengging terkenyit bakani orang enda dikelala nya tau nemu nama ia sereta nemu tudah Jengging tu tadi nengkilun sida ba baruh tadi.Meda bakanya diak Jengging nanya sapa bagi sida ia,alu Jengging pansut ke tanju.Sereta udah madah diri nulung Jengging ngelaban munsuh ia nya Rajah diak Jengging tu naka pengaga ati sereta ngasuh sida niki diak Jengging alu ngulur ke tangga peniki,seretai udah ngulur ke tangga diak Jengging alu ngasuh niki alu ngalu sida duduk keruai.Lebuh datai diruai diak tudah Jenging nyau ngenung meda ruai seratus pintu tak penuh ngau bansa iban ti enda dikelala mua memagang.Pemaioh orang nya bisi beribu iku duduk enggau mua manggah sereta rengkar.Nya katuai iban Kemayang Pengayau ia nya Mering.Rangka Mering mesai pintu sereta gamal ia sigat sereta tinggi baka ribai.Diak gaga meh ati Jengging laban tu meh tanda Serakup diri sebansa ti enda ditemu maioh jerita.Mina Jengging ngau madik dara ia Bangan nyengala meda nya.Diak nama agi deh demalam nya sida makai naka pemaioh tang Jengging enda kiruh ngiga lauk ngau asi laban sida tadi bisi ngemai berau sereta lauk kediri empu.

Nyadi pagi sitik sida ngaga tinja belah rumah panjai,belah sungai ditempap ngena leka sampi suntek,tangga dipasang pengaruh munuh ti bisa sereta sida Jenngging dipindah jauh ari rumah panjai.Diak semua panjok, suntek,pengaruh munuh ditabur,digaga lebuh maianya.Ba bup diari Rajah Brooke bisi nusi kayau sida ke Ulu Skrang suba cukup sadis pengikut ia dibunuh,ai Skrang penuh ngau leka sampi,barang mensia ngirup ai sungai Skrang sigi mati,nyadi bala iban ili skrang udah lari maianya,mina bala Kemmayang Pengayau ngau Jengging ti bedau sereta aki tuai legend bansa kitai ti agi ngetan menua Skrang maia nya.Diak lebuh bala Rajah tama ai Skrang diak sida nyau eikak lelak ngujung aus alu bisi keduak ngirup ai sungai Skrang,tang empai mati laban leka sampi pengaruh ngempas ke sida mati tindok,udah sida ka datai ba Ulu Skrang diak bisi siko bala Rajah ti dulu merau nyau mantap akar kayu ti tumbang ngau kayu ensurai dinga tekaoh bunyi buluh terebai ngerejang sida ke merau.Ari tebing seberai seberai dinga bersiuh munyi buluh diitempalong naka pemaioh.Maioh bala Rajah parai bebadi alu sida berkhemah ba diak nganti bala Rajah datai baru nambah.Nyadi malamnya maioh sida ke nadai penemu mati tindok.Nyau bau but karangan ke pagi ari laban pemisa pengaruh munuh aki Entalang,ke bedau mina siku alu ia nya bepadah kili kin.Bisi menakah dua ari diak Rajah ngirum Ukam ensumbar Jangkam Besi nyadi katuai ngayau ke Ulu Skrang.Datai din Ukam enda ngasuh pengikut nya ngirup ai sungai Skrang alu ngasuh sida ngambi ai ba anak sungai ba Skrang bisi menakah tujuh rantau ari muara anak sungai ti besabung ngau ai sungai besai skrang.Datai din sida alu niki pemendai tang nasit Ukam dulu ti orang ngapa dulu sigi mati tekala nya laban kena suntek bisa,seretai sida niki diak maioh sida bala Rajah mati laban tinjak nyintak rekung sereta sida terkenyit meda tubuh mensia bisi beribu iku melulung sida ia alu betacah naka pemendar udah nya sida.Enggi aki Mering majak biau kiba biau kanan,temera aja pala munsuh labuh ke tanah,entak kiba entak kanan enggi aki Sugit Ngerantar Langit peda kedebung sedandang dada munsuh,enggi aki Entalang Mali Nandang tak sepu kiba sepu kanan peda tak kenyap ngerenyam seput munsuh,Aki tuai 29 iko merati aja ari atas tanju meda jamah bala ucu.Peda engkecit Imbat tak alu mepat semepat bala Rajah,bala Rajah maia nya bisi meh beribu kenu ko jerita asal ti ditusi aki tuai kitai Nirau ti ditusi aki ia Jampi.Begetar dada bala sida Kupa ditembak bala Rajah,bedau idup meh Kupa alu ngayun sengayun ilang ngau sangkoh kiba kanan peda meniga perawai ilang mendua munsuh rebus tubuh tusuk sangkoh.Ba jerita ditu ku muji kitai iban siku ti benama Kilat Ngeregau Dunya Berserabana ti ngembuan kebal baka ai ti di ibun Unggal sanu enggau Kilat ditembak bepuluh kali tang leka senapang mina nembus tubuh tang labuh ke baruh nglimpas tubuh ia tadi.Kebal tu ndang asal ia mata ai telaga kumang ti diberi Kumang empu sereta disampi aki Bunsu Ai ianya demigod hidupan sungai.Asal ia ngembuan anak jai ti diberi nama Cencalau ti jai mua ngujung Cencalau tu disumpah petara nyadi Antu Ai.Meda kenya laban Bunsu Ai tu apai ia ngujung ia pen disumpah mega tang ia ngacau mensia mina anak ia Antu Ai tu suah meri mensia bebadi laban ia pedis ati dikenggai orang indu sereta suah dikelesay mensia agi menya munya kelia.Pulai agai pun jerita,diak meh bamok sari sari meh sida ia tadi alu maia nya Ukam besatup ngau Mering alu kasak amai saduai bepantap bebunuh ngujung Ukam mati lebuh nyengala lemai ari laban penemu Mering nyau majak bisa sebisa lebuh lemai ari enggau malam ngujung bangkai mensia berdunjung dipeda,Jengging naka pengaga ati laban nemu sida menang.Pengudahnya bisi berminggu baru Rajah nemu bala ia dah alah,alu ia nganjung baru bala kin,tang lebuh ba Nanga Saribas sida bertancah ngau baru maia nya ngau bala Iban Saribas ngau Iban Skrang tang Kemayang Pengayau udah lama nganti dili napat ke munsuh ti lari ari ulu.Bepun ari tu meh kitai Iban kitai Dayak mesti serakup laban tu menua kitai tanah kitai.Nya alai ku mekat samoa bansa kitai,serakup meh kitai laban ila enti enda serakup,tanah menua kitai ukai ba jari kitai tang ba jari orang bukai ti ukai asal ari menua kitai.Seagi Dayak idup ba  dunya seagi nya kami ngetan purih ripih bansa kitai.Enti dayak disatik bansa bukai jemah ila anang ngumbai kami dayak tu jai lebuh bebalas ila.Kitak empai meda empa pangan diri nuan empai meda empa kami.