Jerita Geruka Anak Banda Renggat 1

Jerita Geruka Anak Banda Renggat 1.

Jerita tu ditulis alu diturai niang Mary Tingom dikarang ia maia taun 1920.Pemindah ari Batang Engkarie,diak Banda ngambi Punai nyadi ke bini laban maia nya.Alu saduai ia bisi anak bisi ngempat iku.Ari anak nya diak 3 iku lelaki 1 siku indu.Ba penyelai anak ia mina siku aja ke nyelai amai dipeda ulah ia nya Geruka.Geruka tu nyelai pendiau ari madi kabukai mega,suah saduai meda Geruka tu amai ngiga daun ngiga utai ba kampung ngejung orang menua ngumbai ia beliau akar.Lebuh sida pindah agai Batang Saribas diak Geruka tu enyau ka berangkat bujang diak genap anak biak lelaki dajar bekuntau dajar betempuh ngena ilang tang enggi Geruka tu enda kiruh majak ke kampung puang belama.Enti pulai ari begiga lauk ari babas diak ia alu tindok aja enda sebaka enggi nembiak bukai ti rindu berajar bedungai,ngaga terabai enggau ilang.Meda ulah Geruka bakanya diak apai ia alit ati meda ulah anak ia Geruka nya nyelai ari orang ngejung saduai laki bini irau meda ulah Geruka ti enda kiruh ka ngemansang diri ba penemu ngetan menua ngetan ke purih diri.Kesuah agi peda saduai ia tudah Geruka tu suah manduk akar kayu tauka daun babas,enti sida sarumah bisi sakit telih dulu Geruka datai ngesah alu merubat sida ia.Ngejung penama Geruka ditukar agai Manang Akar laban ke belian penyakit ari akar enggau daun.Lebuh enyau berangkat bujang diak sida pinda ke Skrang laban mega.Ba ditu Geruka tetemu ka Mering the legends Kemayang Pengayau Army.Geruka amai ia kenya tang baka sida Mering,ngelalai pengering diri mega.Geruka berajar ari penemu ari aki tuai ia benama Langgi ti betapa betaun taun tang agi idup nyentuk kediato.Ia sebaka baka sida aki tuai Kuling ti dipebasa bala mega.Nyadi sekali Mering bejalai ba kampung puang diak ia tepeda ke Geruka ti berajar kuntau kediri diak Mering alit ati meda pemanah bungai kuntau Geruka diak Mering bisi niat ka nguji Geruka.Diak Mering alu engkecit ke tanah alu bedegum munyi tanah alai Mering terengkah tak nadai bejako jako alu belanda Mering alu engkecit numbuk Geruka.Ditepas Geruka naka pengelancat nya,peda alu semetap tengan bahu Mering ditempap ia.Diak Mering tuchum alu Geruka nanya ia,sapa bagi mensia bangat ka ngiga munsuh ko ia.Mering tuchum alu engkecit nerajang Geruka alu ditepas Geruka,pama siku muka pucau siku alu muka pucau.Saduai ia berekak ka setengah hari empai meh siku siku alah.Sama kering sama sikal sama bulu tang Geruka alah seput laban Mering tu ndang nakal seput.Mimit dak Geruka nakal seput ka alah Mering laban ia.Kebatang amai Geruka enda alah tang lepi laban mendua ari ia enda makai laban napa diri mega.Meda diri alah diak Geruka ngelak aja meda Mering ngambi ilang ia alu mansang agai Geruka alu ngentak ilang ba tisi pala Geruka.Terkenyit tudah Geruka meda Mering enda munuh ia tang nabik tudah Geruka alu ngangkat tubuh Geruka katas.Diak Geruka tu nanya sapa bagi ia nya,diak Mering madah diri alu saduai bekelala alu berandau alu saduai bedanji ka betemu ba diak pagila.Laban saduai ia ka bambu diri menyadi pagila ko Mering madah ke ia.Naka meh pengaga ati Geruka meda Mering ngemai ia bambu diri menyadi.

Pagi sitik Geruka nganti Mering ba endur baka dipadah ba kampung puang ba Skrang.Perengka bambu diri menyadi udah diadu ia manah nganti penatai Mering.Diak Geruka meda pucuk kayu baka begemang diak ia terkenyit meda mensia 4 iku tak ngena baju burung memagang alu ia meda Mering ba luan amai.Diak Mering madah sapa nama orang enya bepun ari Igoh,Sumping enggau Mangah.4 iku penama tu endang legends ba nyerakup bansa kitai kelia.Mangah parai ba Ulu Entabai maia taun 1887.Igoh parai ba Ulu Skrang maia 1886.Sumping parai ba Lanja Entimau maia taun 1890 alu Mering parai maia taun 1900 ba Ulu Batang Engkarie.Geruka parai nadai ditemu orang alu nadai ditemu ba dini pendam ia laban ia oarai nyelai agi ari mensia bukai ba baruh dunya.Ensera tu bedau ambis alu ka ditampung bala aku pagila.