Jerita Kerantar Nabau

Jerita Kerantar Nabau

Lemai nurun aku ngau bakih aku nyala ngumpan ba menua aku di Ngemah.Kira pukul tiga lemai pia. Tua iya mudik kulu Ngemah. Kira bisi ka lalu setengah jam pia ari rumah panjai.Datai ba Lubuk Rau, aku mai iya ngetu dulu ngambi tanah kena nyampur beram ke umpan. Lubuk tu besai penumbas iya. Udah tembu ngadu ke umpan ti gaga segala bisi lapan igi semua.Ba kaki Lubuk tu buai aku sigi.Udah nya tua iya mupuk kulu begadai ngena muto sepuluh kuda menyadi aku.Terik-terik meh kami duai iya ke ulu sambil muai umpan ba endur ke udah biasa ndur ngelamatu.Nyadi ba puting kerangan tu di buai aku sigi ga umpan.Laban sigi endur selalu muai.Nyadi lebuh kami duai bakih aku muai umpan ba kerangan nya ai ti bisi baka ke jeruak mimit,engka dulu bisi ujan kini. Kerangan agi besai maya tua ke muai umpan tadi.Bakih aku bebirau ba kerangan maya aku ke ngadu ke umpan tadi.Ba ari ulu Lubuk Rau tu bisi Batu Bangkung tauka Batu Barong ko kami Ngemah. Batu tu tengah ai sungai. Ba may ke ulu bisi kerangan besai ti maya ai langkang laban bisi cherita ba senentang Batu Barong tu tang aku nda tentu nemu.Karangan tu enda tau ndur tinduk pia ko urang.Pengudah nya tua iya kulu ke agi sampai ba Lubuk Paku ko kami,Lubuk tu besai lalu dalam mega.Buka iya pen besai nyau kira ke semak jaku mesai padang bol. Ba kaki kerangan tu pen di buai umpan baka selama.Tua iya terus kulu datai ba Ng Sebatu Pendam.Ditu bisi pendam lama urang kelia.Kami duai bakih aku nembu ka umpan ba rantau lalu nganti dia.Kira ke sebatang ruku bakanya meh.Udah kira chukup meh ko ,tua iya pen belabuh nibal ke kala ba umpan ke pengujung tu tadi. Bisi ga ngelima iku bala penyau ngau engkarik ulih. Dipandak ke cherita mimit, tua bakih aku pen datai ba kerangan Batu Barong tadi.Perau tua iya diketu ke dulu lalu asuh aku tarit kaban aku ke pala kerangan. Aku bejalai belubah ke ujung kerangan tadi lalu nibar dia.Tarit aku jala tak kosong.Bakih aku tadi laban ke nganti aku bediri ba atas kerangan ngepai aku.Nama ko aku,nda ga iya ninga. Semampai ngepai aku. Nama deh berumban meh aku nuju iya. Engkah aku kala ba luan perau ke udah ditarit iya ke kerangan,laban ai ke deras endur tu. Nama utai ku nelai iya meda iya meda iya merening mua aku. Tak ka pepucat gamal iya baka ke bisi utai dipeda.Peda dek utai tu ko iya nunjuk ke baruh ba kerangan ti alai kami duai bediri.Aku lalu nungging merening utai ko iya. Apuuuu panjai apu sebut aku. Nama tu Jang, ko iya nanya. Aku nda nyaut,semina meda kulu ngagai pala kerangan.Agi ga tudah tuai nanya, nama tu Jang , ko iya. Aku tetap nda nyaut. Bisi dek meda tadi akih,ko aku nanya. Nadai utai nyelai ditu tadi Jang,ko iya. Lama aku dedegi merati ke kerangan ditu lebuh dek nanam umpan tadi, ko iya nyaut.

Utai ti nyelai ko tua iya nya tadi, baka parit ari pala kerangan sampai ke kaki kerangan,lurus nuju lebak mit ke ba pala kerangan. Diperesa aku kepala kerangan nda jauh ga aku laban bakih aku ngangau.Udah nya Jang,ko iya. Aku tunging-tunging merening nitih ke kerantar utai bangat ngemesai nya. Aku nemu nama utai ke ngerantar tu,tang kebuah aku ke nilik nyangka bisi sempial tisik bisi tinggal meh ko.Aku lalu beguai, sambil mata agi geginau kiba kanan nyangka bisi utai dipeda. Tua iya berumban uduk nepan ke perau. Lalu belabuh ba rantau mansa Batu Barong lalu mata sigi endang awas takut ke nama-nama. Maya tua iya mudik sigi nadai urang ngau bepansa. Tak serepan aja asai, nadai ninga burung. Kerantar iya mesai sana tauka mesai bidai besai ti digulung kitai lalu dalam.Muto sepit lalu disetat aku lalu tua iya kebu-kebu pulai. Dua igi umpan ke dudi lalu enda ditibar aku. Ari kemaya nya nya ka salah kelala. Ai sigi ka jerua mansang ga.Ikan nyampau diri ulih kami duai iya,chukup amat kelauk lemai.Iya nanya aku baru, Jang..bisi dek meda utai ba atas batu tadi,ko iya. Amat ga laban aku ke deriba muto, mata aku ke mua,nyadi iya merening ke batu nya tadi lebuh ke ngerimbas. Nama peda dek ko aku nanya. Bisi lumpung batang burak unjur ba atas batu tadi, ko iya madah. Nama utai nya, ko iya. Ehhh, batang ko aku. Nadai utai peda aku tadi maya tua mudik ko iya. Aku demuh aja. Datai tua ba pendai, bakih aku agi tanda tanya gamal iya laban aku ngai madah ke nama utai nya.Udah babagi ke utai ulih tua iya sama mulai ke diri.Nyadi iya diau ba berek bini iya,Cikgu ba sekula menua kami.Ko aku madah ngagai iya, ti nuan bisi kenyap madah pagila, ko aku madah.Nyadi tumu pagi siti, tumu bakih aku ngusung aku ke rumah panjai. Ngirup pagi kami duai,lalu aku nanya ke mimpi. Jang, ko iya. Pedis amat aku ka ninduk ke diri ko iya. Nyau pagi baru mata ka lelap tang nadai ga mimpi. Aku pen sama meh bakih ko aku nyaut, tinduk pagi tadi asai ke baru lelap indai lalu ngerak dani ko aku. Aya aku dua iku tu pen ngulu ke bilik kami mega nanya ke kenyap.Nyadi cerita iya ke dikingat ke aku ari tusi urang tuai suba bakatu. Kerangan tu kelia sigi udu kerantar Sawa besai/ Nabau Belang ko urang nusi. Bisi urang kala bemalam ba kerangan tu kelia parai. Nyai kebuah enda tau endur bemalam.Ba lebak mit pala kerangan bisi lubang iya ko urang nusi. Pemansut utai tu enda selalu jangka aku laban kenyau ari mit kelia aku ngau bala bakih suah nyelam lalu kala mega beridup ka api bekindu lalu betunu ke ikan. Semina nda kala bemalam ditu.
Dikarang Pengajar Edwin alu dibantai ka Baron ba ruai bala maioh maianya mega.