Jerita Antu Gerasi Ngasu Maia Ujan Nyala.
Ba menua Kapit nyadi menua tu dipelalai ke aku au.Nyadi ia nurun ngasu pagi nya.Enyau pemuas ngasu diak ia tepeda ke bekau babi nyelai tiga itik aja bekau nya.Alu dititih ke ia sari sarinya ngejung ia bisi tepeda ke utai nyelai.Nyadi lama ia meda ba diak ngejung meda antu besai amai benung mandi ba lubuk.Antu nya bebulu aja,indah baka antu ranggau.Tang ia enda memunyi alu nyurut kediri maia nya alu meram ba lubuk ba ili agi.Enyau lama ia nganti ba diak ari alu ujan nyala.Meda ujan nyala diak ia alu tama ungkap engkabang ke rangkai tadi.Ari nya ia tepeda orang pulai ngasu ngemai uduk ke besai amai.Orang nya bedau bebuk berundai.Lama ia berati ke ulah orang nya ba karangan ari ili endur ia ngetu tadi.Diak ia ka pansut ngumbai nya sida orang panggau libau tang lebuh ka mansut diri ari ungkap engkabang nya tadi diak ia ngasai bulu pego ia bediri tauka berasai gelesi ba tubuh.Pemuas ia berati ba diak ia meda bisi ngempat iku dak mensia bakanya magang tang tak peda ia tak ngesan mensia kah amai.
Ari jako sida nya didinga aya nya.Orang nya gaga ati bulih babi besai sereta gemuk amai ko sida berandau.Diak meh aya nya meda bala orang nya meruti mensia.Peruti sida nya nyelai amai ari peruti kitai.Sida meruti ari belakang.Bendar aya nya berati ngejung ia tepeda ke sida sarumah ke diperuti bala sida nya tadi ba karangan.Ambis diperuti alu gelung perut ga peruti sida nya.Ka mutah aya nya tadi tang detat ke ia kasak amai.Nya meh ko jerita aya nya nusi,ia enggai kekebut belalai ba ungkap engkabang nya.Enyau kelama agi diak bala orang pulai pengudah mensia dikumbai sida nya babi tadi ambis ditetak dibagi sida sabuat.Aya nya alu beguai guai pulai pengudah bisi sejam meh ia nganti ba diak pengudah orang nya mupuk ari palan nya.Atai aya ba palan nya tadi ia nadai meda darah ba diak mina darah ba sengkalan dikena sida nya aja.Nyadi sengkalan antu nya nyelai besengkalan ke batu enggau daun buan.Mupuk aya nya beguai pulai tadi.Datai dirumah diak ia ninga sida sarumah nyabak laban pemati aya tuai rumah ba menua sida ia tak ngenyit.Nemu meh aya nya tadi laban ia nemu antu gerasi nya bulih semengat niang aya tuai rumah sida ia.Maia nyengai niang nya diak menua sida ia regau.Naka pemaioh nya mata antu.Uduk pen enyau bekilung iku meh meda utai nya.Manok ceciap aja maianya.Uduk pama ga pemberani keno tak enggai jauh ari bala orang ke duduk ba ruai nya maia nyengai niang tuai rumah suba.Meniga ari bangkai niang tuai rumah nya disengai bedau meh bisi mata antu nya enyau lebuh maia nanam ke bangkai nya pen bakanya.Enyau begau sekayu rumah panjai maianya.Meda bakanya diak Ulit tadi alu dikejampat kesida ia alu dilumbung pia pia aja.Tumu dinihari alu mambut sida ari rumah panjai nya.Keno ke jerita sida aya nya.Lebuh sida mambut maia pukul 6 pagi.Utai tupi ni ulih bai alu bai.Gari bukai bakanya meh ngejung lebuh sida nurun bisi orang tuai siku ke bedau tinggal laban ke baru pulai ari langkau umai jauh ba ulu Sungai din.Datai ia ba rumah panjai tadi diak tudah tekenyit meda orang nadai agi ba diak.Nya meh ko ia nusi suba,enyau ka nyabak tudah tuai lebuh maia ia niki tak berenyang rumah panjai.Udahnya dinga ia uduk kedegus aja nyalak tang nadai dipeda.Bendar tudah ia naban diri rari endur nya diak ia enda ingat ke api ai ia empai dipadam ke ia.Angus meh rumah nya suba.Agi bedau tembawai sida nya.Berantu tembawai lama sida nya kediato.
Tiada ulasan:
Catat Ulasan