Kenang Aya Chendang
Enyau ngeligau tudah aku bejako.Bisi bulan nyin kemari aku bisi nurun ke pasar Sri Aman laban ka betemu enggau kaban lama sida niang suba meh.Laban kelia sigi danji,purih pantih anang enda ngingat peturun diri.Datai ba pasar Sri Aman alu tudah aku tadi bejalai belah pasar Sri Aman laban ka bebeli utai ke lauk meh angka laban bisi ga nadai ba pasar Lubok Antu.Nyadi maianya bisi aku meda siku nya palau enyau ngerigang kediri ka bebukut ngiga orang ka.Laban maia nya aku enggai kiruh ke ia.Aku bejalai cecungok aja mansa ia nya,ka aku beri sekali angka ia enda tan ga ko ati aku din ga.Tak lak aku aja ia tadi.Enggai kiruh orang bakanya.Enyau enda gidan ati aku tadi alu meri ia jako.
"Oooo dom,enti bangat kering bangat berani mati bangat maioh penemu.Uji nuan engkechit ke sungai Batang Lupar nya.Alu nyemerai nuan ke tengah sungai nya.Alu bemain ba tengah sungai Batang Lupar ba diak.Enti bangat kering" ko aku dahnya.
"Nama nuan encabar aku pia yak ?"pia ko ia nya ga.
"Au.Diato nuan terejun kia dom,enti nuan lama bemain ba tengah sungai negi,nadai baya ngetup nuan negi nya tanda nuan kering"ko aku dahnya madah ke ia.
"Enggai aku yak,nuan ngasuh aku parai pecuma pia?"pia ko nembiak nya ga nyaut aku.
"Pia ko nuan tadi nuan kering ka bebukut ka berinsah,bah kati deh nuan enyau takut ga ba ai,nya utai laban dom.Ukai mensia nya utai dilaban baru kering.Mensia nemu mati deh dom.Enda kasih nuan meda mensia".ko aku dahnya.
Lama ia merati mua aku.Aku duduk ati diri ba tebing sungai maia ka sesilau meh nya.Peda aku ia ka mansang ia agai aku.Aku enggai kiruh ke ia.Lak aku aja.Tang ia dahnya enyau rerangap bejako kediri.
"Kemaia meh perintah ngaga patung ba tebing sungai tu,patung batu mensia agi to,apoooo...antu meh enggau aku tadi berandau enti bakanya."ko ia dahnya.Peda aku cecapu ia lari udahnya alu nyetat motosikal alu kasak amai ia ngemai motosikal enggau laju.
Sempekat aku agai bala pembaca,anang meh mantai pengering ba orang maioh laban kitai enda nemu angka orang maioh agi pama.Pia mega aku,amai aku pama tang aku pen bisi alah bulu mega ari orang kabukai.Kelemai nya aku nganti bala sida aki tuai Balein ti semenyadik enggau sida inik ti endang suah ngusung betemu enggau kami sebilik ba Nanga Batang Lupar.Laban udah dambi mimpi ba diak meh betemu.Purih pantih ditulung niang Manang Entanyang kala jadi enggau mensia menya.Pengudah Manang Entanyang pulai diak anak dara Bunsu Baya kala nyadi mensia alu ia parai pen bedau nyadi mensia.Alu ia jadi siku orang bujang benama Nitar alu beranak betelesak nyentuk kediato.Udah 15 peturun ripih purih pantih ia nyentuk kediato.Aki tuai Balein dambi aki tuai ia ba dalam tasik nyentuk kediato alu ia nyadi Bunsu Baya ba menua tasik nyentuk kediato.Ia nadai kuasa ba baya sungai Batang Lupar tang berkuasa ba menua tasik aja.Bah mupuk aku kaban.Ila betemu baru mega.Aku sigi enda kala ayan page tu ngelamato laban aku maioh pengawa.
Tiada ulasan:
Catat Ulasan