Jerita Kenang Beridup Ba Rumah Panjai

Jerita Kenang Beridup Ba Rumah Panjai.

Jerita peransang agai nembiak bansa kitai.Manah endar jako tangkan kaban tu.Selamat lemai bala Unggal.Nama gaga kitak?Aku tu tadi baru pulai nyala ba belah Rantau Lelengok ba Batang Skrang.Bulih ga anak ikan kulung manang nya.Nyampau isik ulih aku.Atai dirumah alu pandok sida indai ngena asik kena ngulai perut pait ikan nya.Nyamai ko aku.Nilik sida bala ba ruai meda aku ngemai ikan penuh belanyat,meri kami wat ko sida katuai nya nundi.Aku tuchum aja enggai kiruh.Enti sida ia bulih utai nampok meh sida ka meri aku tu.Enggi sida enti bulih babi,perut babi enggai meh meri tudah aku.Anang agi pala babi sigi nampok meh orang ka magi kitai.Meda aku tu nadai senapang belesen ari perintah dikumbai sida niang apai aku ukai orang menyana.Enti menya laban niang apai nemu ngasu ngena sangkoh tak ukai nundi,enyau niap lemai bulih jani laban kami maioh ukoi ke bulih utai ba kampung puang.Alu dirachun sida ke jai ati ba rumah panjai wai laban sida bingking ati.Ukoi kami dengkah niang apai ba sarangan ba pagar ba langkau umai kami.Diato mina tinggal pengingat aja meh utai nya.Diato jeman milenium nunda ko madi ku nusi.Beli aja ba pasar ko adik aku bisi meh kitai makai nya akak ko ia.

Pagila ka muang ke pegong ikan laban ka bejual ikan lusa bisi meh belanja.Enti empai musim lada bebuah semina pegong aja meh dikandal ngenatai ke belanja agai kami sebilik.Beli aku telo manok ba pasar alu ku perangat belama nya tadi ba langkau asap aku.Maia ia netas alu ambi aku anak manok nya tadi alu engkah aku ba sangkar manok digaga aku empu ba kebun kami.Diato aku ka nyadi tauke rumah panjai ko ati ku din bejako.Suba dikemelik ke orang meda tudah aku enda nemu nginsit ari rumah panjai.Ka aku nanam sawit tanah sida niang apai acir kin kia,enda nyamai nanam sawit bakanya.Ukai nya besai tanah nya tadi ambis ngelima ekar tang kili kulu tanah nya tadi.Enti disegulai pelaba aku meh bisi ngenpat puluh ekar nya.Beridup ba rumah panjai anang kelalu ka ngasai nyamai laban enti ka ngasai nyamai sigi merinsa kitai diau ba rumah panjai.Maioh kami ke bujang rajin gawa ba tanah tang sida ia balat pejudi balat penyabung.Ko jako manah nya laban muai stress ko,hampang tea ko aku ninga sida ia berandau utai bakanya.Ba aku laban aku amai enda pandai sekula,aku genap ari enti bisi lepa pengawa dulu aku online muka google alu ngiga jenis utai tanam ti berega ka ditanam.Nasit ganja enda tau ditanam ba menua kitai.Enti tau ditanam sigi ku tanam meh tang laban nya nyalah ke undang undang negara ka pen enda nanam utai kebukai ti berega.Suah aku meda news ari menua ribai laban aku ka nemu teknologi penanaman sayur,pegong enggau mela utai tupi.Enti nembiak kediato,uji peda ba facebokm,kuchau kuchau nganu orang,mantai enda puas ati agai kaban meh,madah diri melancong meh,udahnya mantai ngelangak beir alu salamngepik ko.Tak nadai pemansang meh ba FB peda aku bansa kitai ke suah agi mantai mua kerak lesung ia ke kurap laban makeup nya ke dibantai ba FB.Jauh ka mantai penemu beguna ba diri enggau ba kaban diri.Mimit belaya alu baka nama jako ba FB enyau bebutuh butuh enyau bepukik pukik kaduak sida ia.Uji genap ari bantai ke jako tangkan ti manah ba FB nya nanda personality bansa kitai tu ngempu basa besai agai sama diri.Lama amai adik ke indu enggau indai tu bepandok ke lauk.Enyau rapal enyau betaboh ba gelung perut.Nya meh unggal laban ke sinu ati meda bansa kitai ti nadai agi pelandik agi ka ngereja tanah diri empu ujung ujung perintah sepeneka aja ngambi tanah kitai.Uji kitak berati,enti kitak udah bisi utai tanam ba diak ka sida ia ngambi ko kitak?Enggai sida ia ngambi laban nya bisi ba undang undang.Udah ambis sekul nyin kin bekuli agai menua orang sida ke lelaki.Enti enda pandai sekula anang ngandal ka nyamai kereja.Berati ga kitak ba diri,kitak bepanas maia ngereja.Sari suntuk agi kereja ngelaban panas tang ngelaban panas ba tanah diri empu nampok meh kitak nya ka.Cecapu kitak ngemai pulai.Nama dikenakut diau ba menua diri?Takut enda makai utai nyamai pia?Nya meh kitai lebuh ba rumah panjai nemu chara beridup deh unggal.Ka nyamai senang aja ba rumah panjai.Bumai betaun,besawah,ngaga pegong,ngaga lada,ngaga sawit ngaga skim manok diri empu,nupi jani enggau besayur.Gerenti idup ba rumah panjai.Anang takut beridup ba rumah panjai.Tulang aja ditanya.Sama meh kereja ba negeri enti kitai ngelimat belanja.Aku pen berubah meh suba laban terubah suba aku kereja nyadi kuli ba negeri sekali pulai ke menua.Alu kaling indai aku ke bank laban ka mansut duit kena madi aku berajar ba University UITM ba Kuching enyau ngapo aku meda duit ba bank indai aku enyau atai bebelas ribu.Diak aku nanya ba dini indai bulih duit nya.Diak indai aku nusi ari ini ia bulih duit enti ukai besayur enggau bepegong.Pengudahnya pemado aku kereja ke negeri laban aku nemu aku bulih penguntung ba tanah ditinggal ke niang apai aku.Diato aku bulih reta aku empu ari asil peluh aku.Pegong ikan majak nambah maioh alu endor besayur pen maioh.Enyau meli tanah sida apai Magop deh tudah aku laban maia nya ia nyual murah tanah ba aku.Bayar aku ngempat kali alu aku bulih tanah seratus ekar deh enya pen nyengkaum tanah bala kami sarumah dibeli aku.Ba ditu aku mekat bansa aku.Enti ulih meh enti nadai kereja ba negeri uji pulai kerumah panjai alu bekuli betauke kediri empu.Enti ba ulu sungai pen anang meh madah pengangkutan nya tusah laban enti kitai ka beridup nyamai semina ba atas langit baru nyamai.Kaya pen sida Bill Gates nya pen nemu meh madah tusah ka beridup begiga ke duit.Enti utai free magang ba dunya tu.Nadai meh tusah idup ga.Bah mupuk aku unggal.Ila aku nusi utai kebaru ga.Peransang tu dambi aku ari Page mulut merinsa ati ketawa.