Adat Ngepun Berumah Panjai

Adat Ngepun Berumah Panjai.

Ngelamatu kitai maioh empai nemu reti adat kelia.Nya alai ba ditu aku ngeripih adat ke kitai.Nya alai aku dulu ngeripih ari adat berumah.Adat Muka Tengalan Berumah.Sebedau ka ngentak alu berumah diak bala sida katuai dulu ngiga menua ni ke manah alai berumah panjai.Terubah sida ia meda bukit,meda tinting,meda pusing ribut,meda mua ari,enggau meda tanah.Kabuah pia laban ngenangi ke diregau utai jai tau ngasuh sial tau ngasuh midang.

¡)Tinting.
Enda tau semak berumah ba diak tau ba baruh tinting.Kabuah pia laban ngenangi pansa antu gerasi lebuh bejalai lebuh ngasu beburu sereta antu suah mansa tinting nurun tinting.Ngenangi rumah panjai senang dipasuk antu ti rapal.

¡¡)Tanah Chelum.
Ngenangi ke tanah nya mendap enti lama berumah ba diak.Sereta ngenangi suah dikenatai jelu tauka indu utai ti nyengat baka lipan tauka kala jengking,sereta kabukai.

¡¡¡)Mua ari.
Nyadi mua ari dipilih,mua tanju ba penama rumah panjai enda tau ngadap ke mua ari ke padam,ngenangi ke tusah bulih utai tusah bulih tuah bulih limpah tusah bulih rejeki.Diak mua tanju penama ke ruai ba rumah panjai ka ngadap ke mua ari ke idup ngicha gerah bulih utai ke manah bulih tuah ke manah.

¡¡¡¡)Pusing angin.
Reti ia diak siku dasuh sida ia ngidup ke api senentang tanah ke alai ka berumah.Diak sida nganti lama ba diak ka meda pusing angin ari asap api nya tadi.Enti asap api nya nya bepusin pusin diak tau ga sida berumah.Manah tang bisi pengenyai ba menua nya.Nama kabuah pia laban angin bepusin nya baka ke miring,alu ia baka ngeraup tang ia bisi ngeraup utai ke manah bisi ga utai ke jai diraup ia.Alu enti angin asap api nya suah ke agi atai ari ili alu mudik kulu belama.Menua nya enda manah alai berumah laban nya ngemai penyial laban kitai pen nemu genap sungai ngili ia ngemai penyial.Alu enti angin nya ngili belama alu jarang kulu angin asap api nya,diak meh menua ke manah alai berumah.Kabuah pia,laban genap utai jai diterusur kitai endang anyut kili belama.