Pengepan bansa kitai.
Manah pengepan tu.Ba adat kitai,kitai ngepan baka antu pala nya.Nya semina mantai pemberani orang ke ngepan nya.Ba pengarap bansa kitai,kitai dayak enda nyembah antu enda nyembah patung tauka enda nyembah utai ke bisi penyelai tang kitai Dayak nyembah Batara tau Attala ba pengarap lama bansa kitai iban.Laban bansa kitai diato udah diperajar aki inik ngena piring ading kena nyembah Batara tauka Attala sereta nyembah petara kabukai.Nyadi kelia endang amai besembah ke petara ari nitih ajar sida Senggalang Burung sida Sempulang Gana sida Gemuring Gading sida Keling.
Kabuah pia laban bansa kitai ngingat ajar sida Sengalang Burung sida Sempulang Gana ti ngajar bakani nyembah Batara tauka Attala ba atas langit din.Lebuh genap bulan tauka ambis bulan,kitai dayak kelimpah agi suah miring suah ngading ngena piring 7 x 7 kena minta rejeki tauka bisi beniat ba ati agai Batara ngicha Batara ulih meda tudah ia.Tang piring tu lenyau pengudah jeman penatai agama Hindu ti nyaru budaya enggau pengarap kitai agi menya kelia suba.Nyadi pengarap kitai maioh dibolah keduak bala lemambang bala sida katuai nitih ari penemu agama Hindu.Ba pengarap bansa kitai kelia dikanggau nyembah batara tauka diberi nama melasik mata Batara tauka kelai Batara.Penemu tu dambi ditinggal siku katuai kitai iban ti benama Aki Tuai Kuling ti agi bedau idup ba dunya kemaia ari tu.Nya kabuah kelia kelai orang nya miring genap bulan sida ia meda Bintang meda bulan,meda matahari kena ngambi chuan petanda pengingat Batara.Maioh rebak baru diato nadai nemu pengarap tu agi laban pengudah pengarap kitai disaru ari penemu pengarap Hindu,bansa kitai nadai agi ngembuan pengarap tu agi ti ngujung bansa kitai dayak nadai agi nemu bakani pengarap tu diadu agi.Enti baka enda nyamai mimpi tauka pengidup disepi suah pedis diak sida dayak suah agi ngadu pengawa piring ngading pengingat Batara agi menya kelia suba.Tang diato adat pengarap tu udah enda dikingat bansa kitai dayak.Ketaun tu aku nyerungkai penemu lama tu laban kala ditulis aku ba bup aku agi maia taun 1984 ti dikenang orang katuai katuai ti nemu pengarap lama bansa kitai mega.Maioh bansa kitai nyadi lemambang nyadi manang tang sida ia lemambang baru ukai ke lama nya alai aku ngarap bansa kitai ngelala meh pengarap kitai kelia ari page kami ba ditu.Tau mega kitak ngerujuk agai lemambang ke baru mega angka sida ia bisi penemu senentang pengarap ngading 7 x 7 ba ditu.Nya kabuah ohaaaa disebut disebut menujuh kali alu ditiap menujuh kali ba sampi bansa kitai iban kelimpah agi ari bansa dayak kabukai.Ba pengepan bansa kitai ke maioh chura bebungai maioh macham nya semina mantai pengering orang kelia ti bereti."Antu ulih aku bunuh anang agi enti mensia.Nya kabuah orang katuai mekat,antu jai kitai pumpong,ia ke manah kitai anjung,petara enggau Batara bisi ngemata ke kitai ba ia meh kitai minta padung".Tang penyelai ia kelia laban ka gagit ke minta tulung antu nya kabuah adat pengarap kitai sebansa majak tesat setesat.
Tiada ulasan:
Catat Ulasan