Pengingat Lama Suba.
One Go Langak.Lebuh begawai ke niki padi baru agai rumah panjai.Endang adat kitai kelia,genap padi baru dibai niki rumah panjai sigi dipiring sigi di intu.Nya kabuah kelia enti niki ke padi baru sigi besemaia ngicha sama bela ngemai padi baru alu di intu.Pengepun gawai kitai menya.Nyadi gawai kitai kelia sigi pengambis bulan 3.Pengambis dua minggu tembu ngetau diak bala sida ke indu sida katuai bepun nubai maia musim kemarau.Sida ke lelaki alu begiga berikan alu sida ke indu bisi ke mansai sebedau makai asi baru maia malam 31/3 nitih ke bulan enggau bintang.Kabuah kitai ngintu gawai,laban kitai ngintu penatai pemisi ke baru ngicha bulih utai baru alu bulih tuah bulih limpah ari taun ke udah.Kelia bansa kitai ngira taun ari bumai betaun.Enti kelia bulan 3 sigi pengambis taun ba bansa kitai dayak serata menua Borneo tu.Meri bakanya laban kitai nitih pelandai orang katuai.Ambis gawai ngintu padi baru sigi taun bukai.Bereti bansa kitai ngena penemu tuai kitai bansa dayak ianya dikumbai Taun Bumai tauka Taun Mansal Tanah.Bansa tuai kitai nadai nemu bakani taun kelia nya kabuah sida ngelai ari taun bumai enggau berimba ka kampung puang.Alu ngena jam ari tiang tugal dikena.Aram kitai berandau ba senentang utai lama ba ditu kaban.Bah komen ba diak kaban.Negi aku ngenang mega nyawap komen kitak.
Tiada ulasan:
Catat Ulasan