Jerita Kenang Geruka Anak Banda

Jerita Kenang Geruka Anak Banda.

Jerita Kenang Geruka Anak Banda.Lebuh sida ngetan ke menua maia nya diak maioh bala kitai alah asut bala panglima kitai iban empu maia taun 1850 ketegal ka ngulih penama ka ngulih keresa ka ngulih ke tengkira.Maia benung nyengala pagi bala Iban ba Nanga Skrang capuh betebah ke tawak nanda munsuh udah datai.Pemaioh bala kitai iban ke setanah enggau bala ke ngetan menua enggau pemaioh iban ke nyadi laskar James Brooke maianya endang maioh setanah enggau ke ngetan menua tang laban sida kabukai maia nya kempang ati alu ngalih sengkemang enggau bala iban ke setanah enggau James Brooke.Ba ditu meh pengepun kitai iban pambar amai pengudah bini Geruka dibunuh sida panglima sekemang enggau Rajah Brooke.Lebuh maia nya diak Geruka bisi meri jako tangkan madah dulu agai genap samoa iban baka tu.

"Nyadi kitak unggal sekemang bala Rajah aku minta kasih dulu,ngarap kitak enda munuh nembiak redak,sida ke indu enggau ketuai mega.Enti kitak mumpong bansa kitai iban pengepun bansa kitai iban ka nyadi kampar ba menua diri mega.Enti kitak sama iban enggau kami,ngarap kitak kasih ke bansa kitai mega ukai ngemunas bansa kitai laban kitai tu sama peturun sama darah sama buah langgu sama biro leka jako mina enda sama sama ati.Sebedau ngepun kitai bepantap bepumpong aku mekat kitak dulu ngica kitak enda nyatik bansa diri laban enti baka nya ila kitai sebansa ka pambar mepar laban kitak ila."

Sebedau penatai Rajah Brooke bansa iban enda kala belaya pangan diri agi menya.Nama kabuah?Darah kitai iban sama aja ga kelia lebuh kitai ngejang pergi ari menua asal kitai iban ba Batang Mandai kitai besumpah kitai iban bambu diri menyadik pengudah sumpah anak iban diadu ba Tuchung Bukit Mandai Kelikai ba bup tulis Mary Tinggom tang diato aku enda nemu penama Bukit nya agi laban nya ensera menya kelia amai.Nya alai kitai iban enda kala besengki enggau pangan diri agi kelia.Enti saru bisi jalai salah alu jampat sida ngukum diri alu nyua ukum pemali nya agai Tuai Rumah kelia menya tang penyarut nyadi pengudah kitai diregau bansa bukai ti ngepun kayau suba alu diasut bala laskar ti sekemang bala Rajah Brooke agi suba.Pengepun kitai iban pambar pengudah sumpah Geruka mega.Pengepun Balang digayang bansa diri mega pengepun kayau lus maia nya kelia.Pengepun Rentap alah mega kelia,pengepun bansa diri berani enggau bansa diri aja tang ba ngilah ari bansa bukai ia ngerek alu nukung.Pengepun pemambar bansa pengepun bansa diri bangat ka ngenyak bansa diri.Sapa salah?Tanya ba ati kitak genap pemaca posting kami ditu.Nama kabuah bansa kitai enda ulih serakup??Tanya ba ati nuan mega.Nama kabuah kitai enda ulih ngirit bansa kitai katas mega.Tanya ba ati kitai?Nama kabuah bansa kitai enda nyukung bansa kitai empu?Tanya ba ati nuan empu.Sapa madah diri SERAKUP  tang ati bedau bingking bedau rindu nyeliah ke bansa diri bedau agi ka ngaga sekayu setampung aja rumah panjai?Enda berakup rumah panjai enti maia tu laban maioh agi ka ngiga berumah panjai lurus aja tang ba tengah ia puntul enyau selapat.Aku enda nganu bansa kitai tang aku nesal laban bansa kitai rindu bechakah penemu alu ngesen kediri enti bisi penemu enggai meri runding agai bansa diri,ia ke bisi runding negi pengujung ia ngemutar nipu bansa diri.Ari kelia kami enggai mantai penama diri laban kami enggai disatek bansa diri jemah ila.Kami enda kala ngenangi ke mati laban mati enya enda ulih dikelari ari kelia nyentuk kediato laban kitai mensia,ka bakani kering ba dunya tu..Ia sigi alah ba pemati diberi PETARA mega.Kitai sebansa nadai ngerunding agi ba reti serakup tu laban ati kitai maioh pemenci maioh madah diri pandai.Peda aku maioh kitai iban pandai tang ka nemu bisi ke enda nama sida ia ba list ti brilliant ti pintar ba dunya ba international.Pelaba aku nadai kini,nama kabuah kitai ka belagak ka act kitai tu pintar??Baka kami sigi enda pintar tang pintar orang kelia meh tang enti ngenang the past history of life kami landik nusun landik nengkebang laban kami bisi bup lama kami empu.Bekenang jerita Geruka anak Banda,pengepun penyadi kayau diak alu besatup meh iban sama iban alu begetar menua jamah iban berekak.Pagila aku nampung kenang jerita Geruka Anak Banda tu.