Penti Pemali Belangkau Ngempang Jalai.
Jerita pemali belangkau ngempang jalai kaki kala ditengah mensia ngelamatu.Nyadi berkenang jerita sida aki kelia,bisi siko kitai dayak ti bernama Sandai ti kering ba untak aja nadai kiruh ke orang,enti bekerakar jako sigi menang ia to,tau ulih nyadi lawyer keno ko sida aki nusi laban pemandai ia bejako endang pintar.Nyadi maia tahun 1960 an kenya,sida niang aki kulu katibas laban begiga ke kasam ikan ke kasam janik maianya.Lebuh datai ba Ulu Katibas sida aki alu beguai begaga ke langkau guai begiga ke lauk.Maianya Sandai bisi enggau laban ngerunding diri aja diak ia tak ngentak ke langkau ia ba tinting bukit sereta ngempang jalai bedarat kaki.Meda kenya diak niang aki alu nganu ia,Sandai to sigi takut ke niang aki kami kelia.Diak Sandai to tadi madah negi misah ke ia punggal nganti kitai pulai ari berikan ko ia nimbal jako aki.Meda bakanya diak sida alu nurun nubai berikan,naka pemaioh ulih sida maia ke nubai,laban nyau rindang nubai diak sida nyau laun lemai pulai ke langkau.Udah mela utai ke ulih alu makai sida sabuat,diak bedau ga Sandai to misah ke langkau ia ari tinting nya tadi,meda bakanya nyau enda kiruh agi orang ba diak.Nyau semalam malam sida niang aki nyalai ikan,diak sida alu nyau ka tindok,tak terkenyit sida niang aki ninga Sandai ti dulu tindok laban ke lelak tadi nyau bedemuh demuh sereta nyau runtuh kibong ia,alu engkecit tudah aki penindok alu ngelawa ke langkau Sandai tadi,peda niang aki nyau meriur bubur sereta mata ia nyau mirah,jari ia empu nyau nyekak rekung ia mpu,nasib tudah aki nemu ngintu utai baka nya,dah dibaca pucau diak aki alu malu tubuh ia ngena daun buluh ke dah mati ba kening ia,seretai tekala nya Sandai terdani nyau nyeraoh kemalam ari madah diri idup.Udah ua dani diak sebaban lari ngelawa langkau sida aki ba baruh tadi,tudah aki senyum senyum aja laban nemu ia dcekak antu Ranggau laban ngempang jalai bedarat kaki tadi.Ba kenang orang tuai antu Ranggau to eyang kitai mensia ti sigi ka munuh mensia ti ngacau pejalai ia bejalai ke malam ari,nya alai kitai dayak kelebih agi anang ngempang jalai enti tindok sereta begaga ke langkau laban langkau nya gerenti angat.Ba kenang Sandai ti dcekak antu Ranggau tadi diak antu Ranggau lari pengudah atai antu gerasi ti ka nyalai tubuh Sandai ba penyalai api tadi laban Sandai belangkau ba tinting ti dtujah ia maia bejalai.Kitai dayak kelebih agi nadai kala berumah ba tinting laban ngenangi rumah diri angat sereta takut dkacau udok penyalak antu gerasi ti benama Ijeh.Nyadi maia tengahari nya lebuh ujan nyala nurun tak semiuh tak berentum munyi tanah dindik utai ti atai ari bukit,maianya sida aki alu tama ke langkau magang laban sida nemu antu gerasi ngasu laban ddinga ia ngangau ke udok penyalak ia ti benama Ijeh.Tak berentum kaki antu gerasi mansa langkau sida niang aki,amat tak malik sida ke atas tak kaki mensia naka pemesai ngimbai langkau nya,diak aki guai nabur engkarabun ti bisa tadi alu ngunsut diri alu sama berunsut engkarabun sida kabukai.Sandai nyau terkemik ba sirat laban ke takut antu nya napat ke ia baru.
Diak niang aki majak maca pucau ngujung bisi siko lelaki ti bernama Jenging nilik katas ari langkau nya tadi,bulu betis antu gerasi nyau mesai tunjuk jari anak mit dkesema ke ko ia nusi ba sida diak tadi tang nasib Jenging to tadi lebuh nilik katas diak bulu betis antu gerasi labuh ba senentang ia ke duduk.Meda antu gerasi majak enggai nyingkang diak aki alu nunu selukai ti ngujung antu gerasi nyau udok ia nekus alu lari ari endur nya.Meda utai bakanya tadi diak sida sabuat enggai mindah majak ba langkau aja.Nyadi malam nya diak Jenging bermimpi bertemu enggau aki tuai siko sereta enggau udok.Ba dalam mimpi nta tadi diak ia meda Sandai ngimbai ia ke duduk tadi.Aki tuai to alu bejako bakato "Nya Jengging dik udah bulih bulu ciak aku nya ukai bulu betis aku,bepun ari to ila,dik kering baka aku alu dik ulih matak kayau bedarah nyentuk ke purih pantih dik jemah ila.Enti kitak bejalai maia ujan nyala nurun kitak tau ngena daun raras tauka daun buluh dselit ba pending nya petanda kitak nya udah nyadi ucu ambu aku,alu pia mega enti minta sah minta tolong,dik alu nunu bulu ciak ku nya ucu ngica aku atai ngesah dik belama enti dik bisi tuntung penusah.Nyadi dik Sandai nasib dik ulih dani laban ucu Gesie Ngeragi,enti enda pia udah dik dikelauk aku malam to tadi,bepun ari to ku nyumpah dik ucu nyadi lemambang ngica ke dik bebasa ke adat lama kitak empu.Enti ku enda datai tadi udah dik dibunuh antu jai antu ngeregau ungal Ranggau tadi".Pengudah sida niang aki pulai ari menua to diak Jenging masuk nyadi Iban Scouts maia nya laban nitih ke niang aki kedulu agi tama Iban Scouts.Ba kenang aki suba Jenging kala makai untak munsuh lebuh ia isin ketegal begedik ati bala sapiak ari sida bisi rabat laban munsuh maia konfrantasi nya.To meh jerita penti pemali enggau konfrantasi.Ku enda nemu sapa sapa peturun Jenging to tang ngarap peturun ia bedau agi ngembuan bulu ciak Aki Gerasi ti benama Bulie nya.Ambis udah jerita kitai ngarap kitak komen meh negi kaban alu amai ke enda penti pemali to ba nuan?Ko aku amai meh enda nemu ba kitak meh kaban.
Tiada ulasan:
Catat Ulasan