Jerita Kemuyang Anak Iru Bunsu Sebayan

Jerita Kemuyang Anak Iru Bunsu Sebayan.

Jerita Kemuyang Anak Ambu Bunsu Sebayan.Agi kelia ba ditu meh palan bala dayak tindok malam lebuh maia Bebanchak Babi bebai bambu diri semenyadi.Ba ditu meh alai beribu ribu urang anak mensia benama bansa dayak ari kaum Orang Ulu enggau Iban bebaik ngejung jeman serata menua Sarawak tu nadai bekayau agi.Alu ba ditu meh terubah meda bansa ribai ngemai kitai iban enggau bansa Orang Ulu bebaik enggau sida ngejung kitai nadai agi ngelaban pemerintah James Brooke pengudah jeman madah jeman bebaik bado bekayau mulau enda tau nyerang agi.Terubah pasar Kapit dibuka maia taun 1900an maianya.Pasar Kapit mina bisi 3 iti rumah panjai dikembuan bansa Cina Hokkien.Pemanjai semina enam pintu sitik rumah panjai bansa Cina ba pasar Kapit.Bala Cina Hokkien maianya nyadi doktor enggau pembantu bala Rajah Brooke.Ba senentang Kubu Fort Slyvia nya,nyabor Kemuyang kala labuh ti ensumbar Nyabor Nitar.Nyabor Kemuyang tu enti disintak naka pemanjai alu tau didinga munyi nitar mangka ke ari.Nyadi Nyabor Kemuyang tu endang beberita kelia menya.Penama Kemuyang enda sebaka sida Temenggung Koh laban ia udah tuai maia kitai dayak tu bebaik maianya.Kemuyang tu meh orang berani tau ngalah ke Balang tau ngalah sida Lenggir Mali Lebu alu ulih ngalah ke orang beberita ti tulung orang ari Panggau Libau.Kemuyang tu suah enda diregau orang ba menua nya enti ia ngentap ba menua nya.Laban kala dambi orang tau serang,sigi dipadah orang Panggau Libau."Enti kitak ninga penama Kemuyang,
kitak anang ngachau ia.Enti orang nya bisi pantang penuh rekung.Enti kitak ngachau ia kami enda ulih nulung laban ia anak ambu Bunsu Sebayan,nyebut nama ia pen kitak enda tau laban penama ia tau ngasuh kitak bebadi lebuh ngayau mulau tau serang".

Nya alai kelia orang maioh enggai besebut ke penama Kemuyang tu laban ia tu pengemai semengat.Nya alai jarang kitai iban kediato ngena penama Kemuyang ba mensia semina dengkah ba menua aja kena ngenakut ke munsuh agi kelia.Ba menua tau digaga ke nama Kemuyang laban menua nya tau chelap tau lindap enti kelia.Nyadi ngenang nyabor Kemuyang labuh ba senentang Kubu Fort Slyvia ba Kapit.Diak nyabor nya kala atai baru ba Kemuyang tang ia enggai agi ngambi Nyabor nya laban ko ia,aku enda enggau orang bekayau enda nyerang agi.Mina nama aku aja disebut orang pen nemu nama kabuah enda tau ngelaban aku.Niang Balang maia agi berangkat bujang ka amai enggau apai ia ngabang agai Nanga Ibau kediato.Maia nya bala Iban Batang Rajang empai bisi berani ka berumah panjai ba Sungai Ibau laban kelia menua nya endang beberita enggau penama Kemuyang ti ngempu menua.Kaban belayan Kemuyang maioh pindah pengudah Kemuyang dibai petara pulai ke langit pengudah jeman bebaik enggau bala Orang Ulu ba Kapit.Bepun ari nya bala Iban maioh pindah ari Sibu,Bintangor,Kanowit,Sarikei agai menua Batang Rajang maianya.Penama Kemuyang enda kala dipansa ba leka kenang ngenangi ke ngemai pengangat ba diri agi kelia.Nyadi penama Kemuyang dikenang kami ba ditu aja alu tau dikingat kitak mega.Indah Rajah Brooke pen niki rumah panjai sida Kemuyang menya suba laban ka nanya ka berumpang menua Kapit kelia.Kemuyang tu nadai nanah ke sapa sapa agi kelia mina ngasuh bansa kitai iban anang enda serakup ngelaban bala Rajah Brooke.Rajah Brooke pen ngenangi meh agai Kemuyang pengudah Kemuyang ringat alu nempap ai Batang Rajang.Enyau belenggang mesai lenggang besai ai tasik engkah tempap ia laban Rajah Brooke ngumbai ia ka munuh bala Rajah Brooke ba Sibu maianya. Lebuh Kemuyang dibai petara pulai.Tubuh Kemuyang dambi bala Bunsu Sebayan alu  ngejung Kemuyang nadai ditemu bisi pendam.Bisi endur batu enda tau pansa ekpres ba area menua Ibau nya.Ba diak meh tembawai lama Kemuyang kelia.Nadai sapa berani niki kia menya tang Rajah Brooke pen enggai niki ke rumah panjai Kemuyang maia nya.Bala Kemuyang mindah ari menua nya maia taun pengudah bebaik ba Kapit alu sida maioh agi pulai agai menua lama ba Batang Engkarie.Alu kaduak maioh misah agai menua Balleh,menua Bintulu,Mukah,Limbang,enggau Miri.Kemuyang nadai anak mina anak iru aja ia bisi.Kemuyang enda tau bebini laban endang sumpah Bunsu Sebayan.Ia kala ngarung jako lebuh berandau enggau niang Temenggung Koh."Igat,kingat nuan.Babi belang buk pirang nya ila ulih ngidup ulih munuh kitai ba jeman ka datai.Anang alah tupi bala bala babi belang buk pirang nya igat,enti ulih kena kitai begawai tau sayat enti lemak ia bisi ngilah setempap".

Pengambis jako Kemuyang mekat bansa kitai laban ia enda rindu ka penjajah bansa ribai.Kemuyang kala dipeda ngayau kediri maia agi bujang belah Batang Rajang,Sarikei,Sibu,Matu Daro,enggau kala ngayau sida Sharif Masahor maia Sharif Masahor agi enggau bala Rajah Brooke sebedau Sharif Masahor ngalih ngelaban Rajah Brooke pengudahnya sereta ngelaban Sultan Brunei maianya.Pengudah Sharif Masahar ngalih ngemang ke rakyat diak Kemuyang pulai ke Batang Rajang alu ngati kediri aja ia maianya.Kemuyang kala ngerumpang kota Rajah Brooke ba Sarikei lebuh kediri ngayau maia malam ari alu ia kala besatup enggau niang Encharang ba Bukit Sebangkoi enggau ba Bukit Lingga.Pengepun bala KPA ngelala penama ia,alu ngelala mua ia.Kemuyang tu besai tubuh sereta nelap mua ia dipeda,rekung ia ambis berpantang bungai semalu sereta maioh pantang ke nyelai ba tubuh ia.Pemesai lengan ia enyau pemesai pah nembiak kediato,tubuh ia tinggi ngepak penama ia mega,ngepak ke pengering ia.Ia kala betemu enggau niang Mering ba Kanowit mega ba Ulu Entabai enggau ba Julau.Kemuyang kala besatup enggau Rentap ba Sungai Skrang maia Kemuyang bejalai kediri.Ko madah agai sida ke satup ia.Ia madah diri nyempulut burung ko ia tang maioh nemu,Kemuyang tu ngemai utai ditangkin ia nya pengaruh besai.Ia nya pemintas menua pemandak pejalai.Diberi ia pulai agai Orang Panggau Libau alu diberi agai niang Balang menya.Kemuyang tu enda beberita enda baka orang bukai laban ia ukai ke ngayau bansa diri tang suah ngayau bansa bukai kediri ia aja.Kemuyang mina dikelala orang ti kering aja kelia.Penama ia enda tau disebut pia aja,laban ia ngemai penyial agai orang ke nyebut nama ia.Suah agi orang kelia ngangau nama ia nyelai kena ngelai ia.Jerita asal dambi ari kenang bala aki kelia.