Jerita Geruka Anak Banda Renggat 4

Jerita Geruka Anak Banda Renggat 4.

Enyau limpang dulu jerita kitai.Nyadi aku bisi pesau alu madah agai bala pemacha ba ditu.Amai endar,agai bala ba Miri kelai bisi tetemu ke apai tuai bisi pejalai timpang mua ia jai enti suah diperening enti sekali ngilas ia sigat amai.Tau madah agai bala admin ba ditu au.Aki Tuai Sumping bisi ba Miri kediato tang enda nemu alai ia diau.The legends 29 pengayau bisi pansut ke taun tu.Pulai agai jerita Geruka anak Banda.Pengudah pulai agai Ulu Skrang diak bala Sultan Brunei balat amai ringat alu sida ngemai bala soldadu ia berkayau agai Saribas maianya.Kayau sida besai amai enyau bebai ke meriam alu minta bantu ari bansa bukai ti atai ari Jawa nyin sereta dibantu sida Bugis maia nya.Keno bup ditulis Mary Tingom enggau ditusi niang Aki Nirau suba diak maia ai Sungai Saribas enyau penuh laban perau langkan pengayau bala Sultan maianya.Diak bala iban ba Saribas alu betesau kulu Saribas agai Ulu Batang Layar agai Skrang nyentuk ke ulu Skrang laban bepadah ke Sultan datai nyerang menua.Maianya kitai Iban,bangsa dayak kabukai mega sama nyikap diri ngelaban Sultan.Ka pen enda serakup laban maia nya Sultan ka ngemunas bansa dayak maia keno ke jerita tusi tudah Igar ti bepadah kin kia maia.Anak mit,sida tuai,sida ke indu sereta ke ia ke sakit nya sigi udah danjung sida ia agai Bukit Sadok agi kelia.Agi bedau bekau tembawai pemindah enda lama Bukit Sadok sapiak penurun nuju menua Skrang kediato.Maia taun 1825 diak Sultan Brunei pen nurun ngayau maia nya.Maia kitai dayak balat amai bambu diri menyadi laban maia tuai serang Gindam apai Mering ngemai serakup enti enda genap dayak ila ka parai ka sulai nadai penyangkai ko ia ngajar ngasuh bala dayak bebaik.Amai kitak ngelamato bekayau tang ngelaban orang ke ngayah ke menua kitai,kitai anang enda serakup ko ia.Maia nya pemaioh bansa kitai dayak endang amai maioh.Nadai ulih dikira pemaioh bansa dayak datai ngemai piring maia nya ba Bukit Sadok nyadi ke tanda bebaik alu mantai penyerakup sama ka ngetan menua.

Nyadi sida Geruka sida Mering enggau sida sabuat tadi udah sepa udah nganti penatai munsuh ba Nanga Saribas.Sida enam iko ngaga tinja ba Nanga Saribas.Buluh udah dilancham tajam alu diujak sapiak sapiak ba Nanga Saribas.Nyadi laban bala dayak maia benung beranti ba Ulu Saribas laban ke ngipa ba ulu.Lebuh ka tengahari diak perau bala Sultan Brunei udah datai ba Nanga Saribas.Pemaioh sida ia naka pemaioh ngujung sida sabuat tadi enyau bejako munyi nyumbuh ba kampung ari seberai seberai sida Mering enggau Geruka tadi.Ngejung bala Sultan ngumbai nyumbuh ba kampung puang din inggar ngelara penatai sida ia.Laban ke tudah Igoh ti enda tetan ke ati alu nikau ke buluh agai siko penanchang perau bala Pengiran nya ngejung ke ia nya mati.Meda baka alu nyadi meh kayau depun sida sabuat enam iku tadi ba Nanga Saribas alu dipeda sida bala Sultan buluh baka leka ujan ditempalong ke sida sabuat nya.Pama ga pengering sida sabuat tu kelia,pelaba aku nadai kitai iban sebaka pengering sida tu enti kemaia ari tu.Malik Geruka peda dulu agi Mering nacah ke perau langkan kedulu nyin,meda bakanya alu engkecit sida sabuat sama kekalau panjong alu terengkah ba perau alu bepun meh mantap semantap nadai dipeda tubuh sida sabuat laban pemaioh dipelulung ke munsuh.Meda utai balat amai nyadi diak Mering engkecit ke tebing alu nyeraoh manjung ngasuh sida sabuat engkecit agai kia.Bala munsuh kapa pia mati ba Nanga Saribas maia taun nya.Tang pemaioh munsuh tadi enyau enda tan sida sabuat.Malik Geruka ke ai Nanga Saribas diak naka pemaioh perau munsuh udah puang laban sida enam tadi.Diak Mering bejako,kitai lari kulu dulu,nganti kitai bado lelak udah makai ba dulu din kitai ngipa sida baru.Maioh amai sida nya ko Mering.Sida sabuat alu madah au aja alu nitih ke pejalai Mering kulu ga sida ia.Enti enda maioh munsuh sigi ambis kini sida nya ko ati Geruka ba din.Bala munsuh alu ka nitih pejalai sida ia tang ditagang bala pengiran mega ngenangi sida maioh agi mati ko pengiran laban angka sida ka diumpan bala dayak bakanya.Pagila ku nampung baru igat.