Sumpah Ukoi/Uduk enggau Mensia

● Jako Sempekat tauka Sumpah Ukoi/Uduk enggau Mensia.

Kenu ku cherita orang tuai ba dalam pengarap iban, uduk tu setengah mensia setengah iban. Iya sigi nemu utai ku kitai. Semina iya ke enda nemu nyaut aja. Nemu kita bala Panggau, kelia enti uduk tu mati dia dibaya ke orang. Baya uduk tu baka macis, garam enggau paku sereta utai bukai. Pia mega uduk tu mih ke kaban iban enti nurun ngasu ke tanah, enti baka bulih babi dia iya mega deka dungkup ke. Kenu ku cherita kebuah babi ringat laban ninga ukui nyalak madah ke diri ka makai atau, ka makai lintan enti maya sida ke betempuh ngenan. Pia mega kelia, uduk tu mih suah nemu ke pengaruh. Utai ulih salak iya diberi antu. Pia mega ukui tu mega nemu ngemedis nemu meri kitai utai. Nya alai enti enda kala makai uduk manah anang.

Bisi siti cerita nyadi ba kapit din tusi kaban aku, bisi siku lelaki ba sebuah rumah panjai ta kudi meda uduk laban ke 3 malam bejurut ta bira ba ruai. Iya mih malam ke 4 alu diipa iya tudah ukui nya. Meda uduk tak jenuh dia lalu dipalu iya ngau sengayuh ba pala. Nama dih kekejuk mih tudah uduk nya pagi nya. Mati uduk nya bangkai iya lalu dibuai ke ai. Dipandak ke cherita malam nya lelaki nya pan lalu bemimpi. Bemimpi meda siku apai tuai orang besai sereta tinggi.

" Nuan sanu, kelalu di ngaga aku bakatu. Nemu aku diri salah tang anang meh ngaga aku bakanya. Enti ka munuh aku tau ikat kaki aku, anang merinsa aku. Enda gayu nuan ila sanu, baka pemati aku ".

Pia ko orang nya didinga iya bejaku. Nya siku entara kitai iban ke kala disumpah ukui. Enda ga aku nemu sekali ka akih nya agi idup ke bedau.

Bisi ga cerita siti ti kala didinga aku bekaul enggau ukui tu, bisi siku lelaki mega bebunuh ke ukui. Nyadi lemai nya iya nemuai ke rumah panjai orang. Nya nama dih betunga iya ngau bala kaban belayan iya. Nyau ngalih ke malam dia iya madah ke diri deka tinduk. Maya iya ke tinduk deruai nya bisi meda siku ukui kaka. Tak ngimbai iya dia. Nyadi ukui nya ta enda nemu ngetu gegisai. Pia ke merung. Nda liat dih iya lalu ditangkap iya lalu ditinggang iya enggau tikai lalu ndur iya gali sampai ke ukui nyau parai. Pagi siti pulai iya, sida ke ngempu ukui nya tepeda ke bangkai nya lalu ringat ga menyati ngenang ke ukui nya bagas amat ke tanah, iya ga penyalak. Malam nya orang ke beempu ukui nya pan bemimpi. Meda siku apai tuai orang ba ruai sida iya.

" Sapa nuan tuai? "

"Ehh aku mih tu , Kelapung" pia ku ukui nya madah ke nama diri.

"Nama pejalai nuan dih Kelapung" pia ku orang ke ngempu iya nya.

"Ka madah ke nuan, aku , aku tu mati dibunuh remang. Bakanya meh idup iya ila. Bisi ke nadai utai sigi sida iya".

Kenu ku cherita tu nyadi tungga ke Lubuk Antu kelia. Peturun orang tu bedau mekang merinsa sampai ke seharitu kenu ku cherita.

Bisi nupi ukui kaban? Bisi batu ukui kaban? Enti bisi cherita tau bekunsi ngagai kami ba ruai ditu kaban.