Petua Enggai Kena Pengaruh Orang

Petua Enggai Kena Pengaruh Orang.

Penemu kena nyeliah diri diberi orang racun pengaruh ba pemakai enggau ai irup lebuh nemuai agai menua orang bukai.Tau dishare kitak tu kaban.Tu penemu niang aki ku suba.Lidah nuan nyuluk lelangit ba nyawa nn tadi.Enti berasai gelesi mimit,nya tanda utai nya dirup tau dempa,enti berasai nadai gelesi tau anang,nya racun sigi nuju ka munuh nn.Kedua dua pending nn alu ditekup ngena jari,enti terdinga munyi berdegup panjai baka ke kitai ke nyelam nya tadi,aaaa tau irup tau dempa utai ti dibantai ba mua kitai nya,enti nadai ninga munyi baka nya tadi tau anang makai tauka ngirup utai dibantai ba mua kitak nya.Sebedau makai tauka ngirup utai dibantai orang agai nuan,gosok tapak jari nn ba buk,enti bisi didinga nuan munyi kasar buk nuan tadi nya tau irup tau empa utai nya tadi.Enti nadai memunyi baka nya tau anang nn makai nya.Enda alah lelakak one go reranggak.Enti ngirup ai ba gelas diak ambi jari kelingking nn alu nego baruh gelas.Enti asai ai nya angat ba atas ba baruh ia chelap,tauka ba atas ia chelap ba baruh ia angat nya tau anang ngirup ai nya pahai kitai.Ga belubah enti orang nyua ke kitai gelas,lak ba mua diak dulu ngica ai nya sebati alu nn ulih ngcheck baka ba atas tadi.Enti ai biasa ja tau ja alu dicheck baka atas tadi.Kita tau nampung agi kaban enti nemu.Ku mina berkunsie penemu agai kitak aja.Ka nn sembiang pen ti dengkah utai bisa baka tu,meragan meh kaban ti enda mengamalkan utai baka tu mesanya.Layus kitai mensia ketegal penemu bisa munuh baka tu.

Nyadi enti kitak tindok malam tauka lebuh ka tindok pen penti mega ngicha kitak enda bemimpi rawan mega.Sereta lebuh nemuai agai menua bukai angka bisi orang ati ka nguji tau kitak ngena penemu tu au.Baka tu petua wai madi wai kaban wai pemacha.Petua asal kitai dayak.Maia tinduk simpan puting besi baruh panggal.Besi nya ulih ngering semengat kitai ngelaban mimpi jai tauka ka dicekak antu ranggau.Pia mega besi tu ulih nyeliah semengat kitai kena temu manang ti jai ati ka munuh kitai.Bai bulu landak mit kin kia bejalai ba handbag tauka dompet.Kena muai ilmu pukau orang.Enti baru ngelala orang nya tau dikelari ketisi belama mata ngenangi mata sama mata besatup betentang mata ngujung ia ulih mukau.Enti asai asai sebening pala betemu ngau ia.Gitang bulu landak ba atas tulang perabung.Kena nempias pengaruh polong orang ari inggap ba rumah kitak lebuh orang nya ngirum polong munuh kitak.Simpan papong besi genap sukut rumah.Tancang besi nya  ngena benang 7 warna,dahnya tanam ba genap sukut rumah kitak.Tang lebuh nanam malik ke matahari idup ngica antu jai enda ngeregau ruang bilik ti ditinggal lama tauka dipasuk dipansa jin tauka syaitan ti jai.Purus tapak kaki 3 kali alu besampi.Asal mensia ari tanah asal antu pen ari tanah ladu,enda sakit lengit enda tulah indah ku niki rumah tu.Kena nyaga ari pedera ba rumah org meh nya ngenangi alah bulu ari orang ba rumah nya.Ibun ikan betuk ba akuarium.Ulih meri antu toyol tauka pelesit rindang ngujung ia ilang akal enti ia tama rumah nuan lebuh ia ka encuri utai ba rumah kitak.Alu mega ikan betuk ulih nempias pengaruh polong mega.Tunu selukai genap lemai enti asai ati rawan belama diau ba rumah.Kena muru antu jai ari ngacau kitai sebilik.Anang kurang meli buah limau rangan.Kena nemu bisi ke enda orang jai ati ti ngemai pengaruh ka munuh ka munub kitai sebilik enti ia tama bilik kitai.Engkah aja buah limau buah rangan ba dini alai ngengkah pemakai.Enti buah rangan nya tak kuning alu busuk.Tau bejimat anang makai utai nya enti buah rangan nya muruk jampat ari ke dipeda ke tumu pagi nya.Enti lama ningal ai irup ba meja lebuh lama ke jamban alu lebuh pulai ke meja nya.Alu purus ba mua gelas ngena jari kanan ke kiri purus.Kena muai jayau enculik ba mua gelas nya.Alu ngaga diri  megai ba baruh gelas nya.Enti angat ba atas ba baruh ia celap tau bejimat,alu pia mega ba pemgudah ia nya tanda bisi endar utai diberi orang agai kitak.Ka ia orang depan nya bakih kitak tau bejimat meh,ni nemu angka ia bisi jai ati disimpan.