Datuk Tra Zenhder

● Niang "Datuk Tra Zenhder"

Indu iban terbilang, Ngetan ke bansa enggau adat kitai iban..

Dalam taun 1962, kena ka 17/9/1962 siku ari indu kitai Iban ti chakah bendar ngering ke bansa kitai iban ka benama Datuk Tra Zenhder mai peminta ngagai aum Kunsil Negeri di Kuching. Iya ti udah minta ke kitai Dayak ti dikumbai Hari Gawai Dayak.

Lebuh mayatu Tan Sri Datuk Stephen Kalong Ningkan nyadi Kepala Menteri Negeri Sarawak. Tang peminta tu semina dikemendar ka dua taun udah nya ianya kena 25/9/1964. Udahnya baru kitai iban bisi cuti umum ke gawai kitai baka bansa bukai.China bisi Tahun Baru Cina,Melayu bisi Hari Raya Puasa enggau Hari Raya Haji lalu Tambi bisi hari Deepavali.

Tuju ari gawai tu nya kena kitai ngelai enggau nanda sereta basa bansa kitai Iban. Kitai ngintu sereta ngerami Hari Gawai kitai. Nya ke tanda kitai bebasa ka bansa kitai sereta ngemesai ka bansa kitai empu. Enti kitai bisi hari besai,lalu bisi cuti umum, bansa kitai dikelala bansa bukai sereta bebasa ke bansa kitai Dayak

Gaya kitai ngerami sereta ngemesai ka Hari Gawai tu nitih ka atur ka manah ko diri serumah baka main asal kitai empu baka ngajat, bepantun, begendang ,nyumpit, betanda,belagu enggau main bukai. Ukai ya "Poco poco" enggau "Jemilah". Udah jauh amai adat iban lenyau, bansa iban sinu meda bansa bukai, bansa diri empu nadai di ibuh sinu..

Ko jaku sida ke tuai :-

Daun dikelala ari kayu
Buah dikelala ari langgu
Basa dikelala ari penyiru
Bansa dikelala ari jaku
Tindok bepanggal pengingat
Bejalai betungkat adat..